Rozë

VIP-at, fëmijë të lumtur dhe çapkën

​Shyhrete Belhuli, Genc Prelvukaj, Besart Halimi, Mimoza Shkodra e Blero Muharremi janë disa nga fytyrat tona publike që në një bisedë për gazetën Tribuna kanë shpalosur kujtimet për fëmijërinë e tyre. E ndonëse sot kanë kaluar shumë vjet që kur ata kanë luajtur me lodrat e shokët e tyre, VIP-at shprehen se ajo pjesë e jetës mbetet ende më e bukura për ta

Diçka e vogël na bënte të lumtur. Kështu të paktën theksonin shumë nga fytyrat tona publike duke kujtuar pjesën më të bukur të jetës, fëmijërinë. Ndonëse kanë kaluar shumë vjet e jeta i ka çuar nëpër sprova e rrugë të ndryshme fëmijëria mbetet ende pjesa të cilën e kujtojnë me më së shumti dashuri.

Loja, lumturia, moskokëçarja dhe çapkënllëqet që ata kanë bërë gjatë fëmijërisë së tyre edhe sot e kësaj dite janë të ngulitura thellë në memorien e tyre. Kështu të paktën kanë theksuar Shyhrete Belhuli, Genc Prelvukaj, Besart Halimi, Mimoza Shkodra e Blero Muharremi në një bisedë për gazetën Tribuna.

Shyhrete Behluli: Fëmijëria më ngjall shumë nostalgji

Shyhrete Behluli njëra ndër këngëtaret më të dashura të muzikës popullore, thotë që fëmijërinë e saj e kujton me shumë nostalgji. Loja dhe moskokëçarja e fëmijërisë janë ato të cilat të parat i bien në mend këngëtares. “Fëmijëria e çdo personi është më e veçanet nga të gjitha gjërat. Koha kur kam qen unë fëmijë ka qenë shumë e mirë. Janë disa detaje që nuk janë edhe shumë të rëndësishme, mirëpo ty të ngjallin një ndjenjë nostalgjie. Sepse kur je fëmijë nuk brengosesh për asgjë, ke lirinë, e kur e ke lirin e ke edhe lumturinë. Kjo është ajo e cila e kisha cekë diçka tjetër nuk po më kujtohet.

Genc Prelvukaj: Diçka e vogël na bënte të lumtur

Ndonëse i takon gjeneratës ku fëmijëria e tij nuk ka qenë edhe aq e qetë, këngëtari i njohur Genc Prelvukaj tregon se ka pasur fëmijëri të bukur. Mbi të gjitha ai thekson se pavarësisht mundësive të vogla ata dinin t’i gëzoheshin imtësive. “Kishte gjëra të bukura ajo kohë dhe ato kryesisht lidhen me familjen.

Nga ana tjetër Prishtina për shkak të situatës së rëndë në atë kohë, nuk ofronte kushedi sa mundësi. Megjithatë atë që e kishim e jetonim dhe shpesh diçka e vogël na bënte të lumtur”, ka thënë njëri ndër emrat më të njohur të estradës sonë.

Besart Halimi: Kam qenë fëmijë i lazdruar

Në anën tjetër Besart Halimi meqë më i ri në moshë, fëmijërinë e tij e kujton si shumë të bujshme. E si një djalosh i lazdruar siç thekson edhe vetë këngëtari, ai ka arritur që të jetë ngado duke u marrë kështu me çfarëdo lloj sporti, por pa lënë anash muzikën, të cilën edhe sot e kësaj dite e ka pasionin më të madh. “Si çdo fëmijë kam qenë i lazdruar, kam qenë edhe i vështirë. Jam marrë me sporte shumë, aq shumë sa që një javë kam shkuar në tenis, një javë basketboll, një tjetër futboll. Më dukej se të gjitha po i di. Merresha me gjithçka, madje edhe me muzikë, as atë s’e kam lënë asnjëherë anash, gjithë kohën nëpër shtëpi është dëgjuar zëri im. Më mungon shumë fëmijëria. Ka qenë kohë e mirë pa stres, duke menduar vetëm për lojë”.

Edhe Blero e Mimoza Shkodra kanë pasur fëmijëri pa brenga

Po ashtu dy emrat e njohur të skenës sonë, Mimoza Shkodra e Blero Muharremi, duket se kanë pasur një fëmijëri të bukur. Edhe pse përgjigje e shkurt në të mund të shihet se çdo gjë që ata kanë përjetuar në moshën më të ëmbël ka qenë lumturia pa obligime. “Fëmijërinë e kujtoj si shumë e lumtur e pa obligime”, thotë Mimoza Shkodra, ndërsa pothuajse njëjtë ndjehet edhe Blero i cili në fund të bisedës ka cekur. “Kisha fëmijëri shumë të lumtur dhe pa probleme”.

Marketing
universum_web_banner
Artikulli i kaluar

Rihanna semi-nudo (Foto)

Artikulli i ardhshem

A do të largohet Aves

AA

AA

Portali "Infokusi.com" është medium online. Mirëmbahet nga kompania mediale "Infokusi". Materialet dhe informacionet në këtë portal nuk mund të kopjohen, të shtypen ose të përdoren në çfarëdo forme tjetër për qëllime përfitimi, pa miratimin e drejtuesve të "Infokusit".