LajmeRajoni dhe Bota

Shqipëri, 5 euro për të kaluar nëpër Rrugën e Kombit

Nëse vitin e ardhshëm do të kalosh në Rrugën e Kombit, në autostradën Durrës-Kukës, duhet të paguash 5 euro tarifë.
Kjo taksë, ndonëse është në fazën e propozimit, ka gjasa të miratohet dhe të impelementohet vitin e ardhshëm.
Shuma prej 5 eurosh për ministrin e Infrastrukturës dhe Transportit të Shqipërisë, Edmond Haxhinasto, është shumë që mund të përballohet.

“Është relativisht sa 3-4 litra naftë”, tha ministri Edmond Haxhinasto, i ftuar mbrëmjen e 28 tetorit në emisionin ‘Tonight Ilva Tare’ në RTV Ora News.
“Besoj se do të jetë një kosto e përballueshme nëse do të kemi parasysh cilësinë e re që do të ofrohet në rrugë në rastin e realizimit të shërbimeve të mirëmbajtjes”, nënvizoi ai, duke shtuar se tenderi për dhënien me koncension të kësaj rruge do të bëhet brenda këtij viti.

Kjo ministri është në fazën e procesit të përgatitjes së një studimi për taksimin e rrugëve në Shqipëri që e aplikojnë disa vende të rajonit.

“Mendoj se janë mundësitë për të zbatuar këto taksime, flas për rrugën Tiranë-Durrës, Tiranë-Elbasan. Do të jemi shumë më të qartë pas studimit që përfundon pranverën e vitit që vjen”, tha Haxhinasto.

Marketing
universum_web_banner
Artikulli i kaluar

Delfina, një delfin e vërtet seksi (Foto +18)

Artikulli i ardhshem

Çiljeta në studio me… (Foto)

A.G

A.G

Portali "Infokusi.com" është medium online. Mirëmbahet nga kompania mediale "Infokusi". Materialet dhe informacionet në këtë portal nuk mund të kopjohen, të shtypen ose të përdoren në çfarëdo forme tjetër për qëllime përfitimi, pa miratimin e drejtuesve të "Infokusit".